Innanfor orda

Bak orda ein stad

ligg det ordlause,

langt borte og underleg nær

med alt som nesten er her

og med det som kanskje finst.

 

Det er ikkje sant at me bare bur i tida,

at me bare bur i kvardagane.

 

Me bur og i dette andre

som alltid er her

for den som har auge til å sjå.

 

Forsiktig opnar me 


dørene i tida,

og går inn

for å la stilla og tilliten


stryka forsiktig over sår og styrke.

 

Går inn i romet innanfor orda

der fargane snakkar fargespråket,


det kan tenkjast,

at det er der eg skal møta deg.


 

Heidi Strand Harboe

OLYMPUS DIGITAL CAMERA
Collage, Sissel Ruud 2015

 

Legg igjen en kommentar

Din e-postadresse vil ikke bli publisert. Obligatoriske felt er merket med *